Área
de Comunicación
************************************************************
O
tractor Bown-Boveri procedente do porto da Coruña de novo en
servizo
12-06-07
O
tractor de manobras ferroviarias fabricado en 1936 en Suíza pola Brown-Boveri,
que foi cedida pola Junta de Obras Públicas del Puerto de A Coruña
ao Museo do Ferrocarril de Galicia, foi totalmente restaurado e posto de novo
en servizo.
Esta
pequena locomotora foi adquirida en 1938 polos responsables do porto da cidade
para mover vagóns de mercancías dentro das instalacións
portuarias durante 40 anos. A finais da década dos 70 deixou de prestar
servizo e foi apartada nun hangar ata que, en 2004, foi trasladada ao Museo
do Ferrocarril en Monforte de Lemos para a súa restauración.
A
máquina desmontouse integramente nos talleres do Museo onde se levaron
a cabo as operacións de revisión e rectificación do seu
motor diesel. Tamén interveuse nos elementos de rodaxe e no sistema de
tracción. A caixa da locomotora foi saneada e pintada interior e exteriormente.Para
aumentar a seguridade do vehículo instalouse freo de aire combinado.
A
Brown-Boveri circulará polas vías interiores do Museo tirando
dun pequeno tren para uso dos visitantesse da recuperación e posta a
punto dunha locomotora diesel eléctrica da serie 10800 (yeye).
Como
peza única, o seu valor histórico é incalculable.
Área
de Comunicación
************************************************************
O
taller da Fundación recibe unha grata visita
A
pasada semana cumpliuse unha das grandes ilusións de Jose, un neno lucense
que nos visitou con seus pais, Pilar e Pedro. para coñecer in situ a
máquina de vapor Mikado. Jose sorprendeunos cos seus coñecementos
técnicos acerca desta locomotora histórica, e por suposto non
desperdiciou a oportunidade de se retratar cabo dela. Dende aquí enviámoslle
unha forte aperta, animándoo a seguir alimentando a súa paixón
polo tren.
Área
de Comunicación
************************************************************
02-03-07
Apoio
unánime das Asociacións dos Amigos do Ferrocarril de Galicia
O pasado
24 de febreiro as xuntas directivas das Asociacións de Amigos do Ferrocarril
de Galicia reuníronse nas instalacións da Fundación dos Ferrocarrís
de Galicia para deixar constancia oficial, mediante a rúbrica dunha declaración
pública, do seu apoio ás actuacións en diversos ámbitos
que, dende hai máis dun lustro, ven realizando a entidade sén ánimo
de lucro
Neste
sentido, Carlos Abellán (presidente de ACAF), Carlos Tabares (ASOFER),
Fermín Avellaneda (AMAFER), Manuel del Río (AFAF), Juan Gayoso
(AVAFT) e José Manuel Gornés (AHRAEAF) -con ausencia por forza
maior de José Luis López (AACF)- quixeron manifestar o máximo
recoñecemento á política emprendida polo padroado e os
xestores da Fundación do tren galego respecto da preservación
e restauración do patrimonio ferroviario de Galicia, especialmente do
que se atopa fora de uso e con risco de arruinarse.
Dita
declaración recolleu tamén o respaldo á Fundación
no seu proxecto de recuperación das antigas instalacións do depósito
de tracción vapor de Monforte de Lemos, ao obxecto de participar nun
concurso convocado pola Fundación Barrié de la Maza.
Así
mesmo, felicitaron á autora do proxecto. Dna. Isabel Aguirre de Urcola,
polo seu excelente traballo, e manifestaron a súa esperanza de que sexa
valorado positivamente pola comisión do concurso, o que suporía
a conservación e uso dun patrimonio histórico único en
Galicia e un dos máis importantes na historia do ferrocarril de España..
Deste xeito dotaríase ao Museo dunha sede exclusiva, tanto pola súa
historia como pola súa infraestructura tipicamente ferroviaria, que completaría
o recoñecemento que xa se lle outorga polos traballos de recuperación
do material ferroviario ata agora realizados. A máxima expresión
de ditos traballos é o tren histórico Galaico Expreso, tren real
en ancho ibérico en perfecta disposición de marcha, que ten realizado
memorable singraduras ferroviarias.
Por
último, a declaración recollía a petición ás
institucións públicas e privadas para a súa implicación
na tarefa de velar pola recuperación e rehabilitación do patrimonio
ferroviario galego de finais do século XIX e principios do XX, en particular
do existente en Monforte de Lemos, sede do Museo do Ferrocarril de Galicia.
Área
de Comunicación
